11 нче апрель көнне Лаеш районындагы Имәнкискә авылында «Китаплы юл» исемле Китап бәйрәме узды. Бу әдәби-тематик кичә язучы, публицист Гүзәл Галләмованың иҗатына багышланган иде.
Гүзәл Галләмова – 11 китап авторы, китап сөючеләр арасында бик популяр язучы. 2023 нче елда Татарстан язучылар берлегенә кабул ителгән.
Кичә әдәби марафон кысаларында узды. Ак калфаклы дусларыбыз Римма ханым Яруллина, Рәхимә ханым Арсланова да кичә кунаклары булдылар. Искиткеч эчтәлекле, файдалы кичә уздырдылар Имәнкискәлеләр.
“Ак калфак” оешмасы
