Яңа Малыклы районы Иске Исәнтимер авылында кичә күркәм чара –  “Авылдашлар очрашуы”  булып узды.

Бәйрәмне  Урта Исәнтимер авыл җирлеге администрациясе башлыгы Камил Гомәр улы Хайретдинов тантаналы рәвештә ачып җибәрде.

Очрашуга Иске Исәнтимердә көн күрүче һәм чит җирләрдә яшәүче авылдашлар килгән иде. Оста гармунчылар, Иске Бесовка мәдәният йортының җыр коллективы, данлыклы “Ак әбиләр” фольклор ансамбле, җырчылар Зөлфия Сафаргалиева, Азалия Диниуллова, Мәдинә Багапова үзләренең моңлы, дәртле җырларын тамашачыларга бүләк иттеләр.