Халыкара “Татар кызы-2019” бәйгесен быел Удмуртия башкаласы кабул итә. Финалга чыккан туташлар Ижау шәһәренә килде. Барлыгы 14 кыз. 27 нче сентябрьдә конкурсның финалы Удмуртия башкаласының опера һәм балет театрында үтәчәк.
Кичә, 24 нче сентябрьдә, алар Воткинск шәһәренә, андагы П.Чайковский музеена сәфәр кылды. Бүген иртәдән Халыклар дуслыгы йортында. Пресс -конференция башланыр алдыннан, кызлар Халыклар Дуслыгы йорты эшчәнлеге белән танышты.
