16-17 июнь көннәрендә Г. Кариев исемендәге Казан Татар дәүләт яшь тамашачылар театры Санкт-Петербург шәһәрендә чыгыш ясаячак.
Кариевлылар тамашачыларга Т. Миңнуллин әсәре буенча куелган “Нигез ташлары” спектаклен күрсәтергә ниятли.
Спектакльләрне Балтыйк флоты Кронштатында (16 июнь) һәм Фин вокзалы концертлар залында (17 июнь) тамаша кылырга мөмкин булачак, диелә театрның матбугат хезмәте хәбәрендә.
