Волгоград өлкәсендә яшәүче милләттәшләребез Казанга килде. Сәяхәт башкалабызның истәлекле һәм тарихи урыннары белән танышудан башланды.

Волгоград шәһәре һәм өлкәсе татар мәдәни мохтариятенең Красногрвардия районы бүлекчәсе әгъзалары исә Бөтендөнья татар конгрессы Башкарма комитетында кунакта булдылар. Милләттәшләребезне БТК БК рәиснең беренче урынбасары Данис Шакиров кабул итте. Очрашуда БТК БК урынбасарлары Дамир Гыйсметдин һәм Марс Тукаев, Бөтендөнья татар яшьләре форумы әгъзалары Ленария Мөслим, Гүзәлия Гыйниятуллина катнашты.

Иртәгә милләттәшләребез Габдулла Тукай һәм “Казанның 1000еллык” музейлары белән танышачак.