Оренбург өлкәсенең региональ татар милли-мәдәни мохтәрияте Богырыслан бүлекчәсенең элеккеге рәисе Хәмзә Газизов вакытсыз вафат булды. Хәмзә Әхмәт улы Богырыслан районында татар мәдәниятен пропагандалауга, регионда татарча милли көрәш спорт төрен үстерүгә зур өлеш керткән кеше.

Бөтендөнья татар конгрессы Башкарма комитеты Газизов Хәмзә Әхмәт улы вафат булу сәбәпле, мәрхүмнең гаиләсе, туганнары һәм якыннарының тирән кайгысын уртаклаша һәм сабырлык тели.