Казанның Совет районында Илдар Зарипов һәм Мөхәммәт Сабиров урамнары барлыкка киләчәк. Тиешле карар шәһәрнең Башкарма комитетында имзаланды.
Россия Федерациясе халык рәссамы Илдар Касыйм улы Зарипов хөрмәтенә аталган яңа төзелә торган урам Әнәс Таҗетдинов һәм Архитектор Гайнетдинов урамнарын тоташтырачак.
Дәүләт эшлеклесе, Татарстан Республикасының беренче Премьер-министры Мөхәммәт Галләм улы Сабиров исемен йөртәчәк урам Константиновка бистәсендә урнашачак.
