Ханты-Мансийск шәһәрендә узучы конференциянең мөхтәрәм кунаклары арасында Бөтендөнья татар конгрессы Башкарма комитеты җитәкчесе Данис Шакиров булды. Бүген ул фәнни җыелыш ачылышында Татарстан Республикасы Президенты Рөстәм Миңнехановның сәламләү хатын укыды.

Республика җитәкчесе билгеләп үткәнчә, Татарстан илебезнең барлык халыкларының туган телләрен һәм милли мәдәниятен саклауга һәм үстерүгә зур игътибар бирә. “Әлеге Конференция катнашучыларга хезмәттәшлек потенциалын ныгытырга ярдәм итәчәгенә ышанам”, – диелә хатта.