Якын көннәрдә Кушнаренко Мәдәният йортында композитор, автор-башкаручы Резида Сабитованың иҗат кичәсе узды. Иҗат кичәсе кысаларында аның «Йөрәк моңы» дип исемләнгән яңа җыр китабы презентациясе дә узды.
⠀
Чарага Резида ханымның җырларын башкаручылар, аның иҗатына гашыйк кешеләр, төрле татар оешмалары әгъзалары җыелды. Гомумән, Резида ханым бу көнне тирә-як районнарның иҗат кешеләрен берләштерде.
⠀
Бөтендөнья татар конгрессының Башкортстандагы вәкиле Альфред Дәүләтшин үз чыгышында Резида ханымның милләткә булган тугъры хезмәтен ассызыклап үтте һәм юбилярга Бөтендөнья татар конгрессының рәхмәт хатын тапшырды.

Чыганак: vk.com