Бүген Малмыж шәһәрендә Киров өлкәсе Төбәк татар милли-мәдәни мохтариятенең һәм автономия каршында эшләп килүче “Мирас” ансамбленең 10 еллык юбилейларына багышланган тантаналы кичә узды.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе В.Г.Шәйхразыев һәм БТК Башкарма комитеты исемнән кунакларны Бөтендөнья татар конгрессы Башкарма комитеты җитәкчесенең Россия Федерациясе төбәкләрендәге татар иҗтимагый берләшмәләре белән эшләү буенча урынбасары Марс Тукаев сәламләде һәм мохтариятнең актив әгъзаларына һәм ансамбль вәкилләренә конгрессның Рәхмәт хатларын тапшырды.

Ул миләттәшләребезне тиздән булачак Халык санын алуда актив катнашырга чакырды.