Агымдагы елның 10 декабрендә Мәгариф, мәдәният, фән һәм милли мәсьәләләр комитетының Эксперт советы утырышы үтте. Санитар-эпидемиологик вәзгыятькә бәйле рәвештә чара Zoom кушымтасында онлайн форматта узды.

Биредә Эксперт советы әгъзасы, Бөтендөнья татар конгрессы Башкарма комитеты җитәкчесе урынбасары Илгиз Халиков чыгыш ясады. Ул полилингваль комплексларда РФ төбәкләрендә яшәүче татар балаларының уку мөмкинлекләре турында фикерен җиткерде.

Белешмә өчен. «Адымнар» полилингваль белем бирү комплекслары челтәрен булдыру проекты республикада 2019 елдан бирле гамәлгә ашырыла. Ул ТР Дәүләт Киңәшчесе Минтимер Шәймиев инициативасы белән чыкты, аны РФ Президенты Владимир Путин һәм ТР Президенты Рөстәм Миңнеханов хуплады.