“Милләт җыены”ның пленар утырышында Бөтендөнья татар конгрессының Башкортстан Республикасындагы вәкиле Альфред Дәүләтшин чыгыш ясады.

– Быел Башкортстан Республикасының Мишкә районында Рейхстаг түбәсенә беренчеләрдән булып Җиңү байрагын кадаган татар солдаты Гази Заһитовка тантаналы рәвештә һәйкәл ачылды. Каһарманыбызның исемен һәм данын танытуга хезмәт иткән милләттәшләребезгә чиксез рәхмәтебезне белдерәбез, – дип Бөтендөнья татар конгрессының Башкортстан Республикасындагы вәкиле.

Шулай ук ул милли мәгариф мәсьәләләренә тукталды: “Татар балаларына динне, тарихны, татар телен, традицияләрен өйрәтерлек һәм үз аңын ныгытырлык уку йортлары булса, халкыбызның киләчәге якты булыр, – дигән фикерләрен белдерде Альфред Дәүләтшин.