Татарстан Республикасы Премьер-министры урынбасары, Бөтендөнья татар конгрессының Милли Шура рәисе В.Г.Шәйхразыевның Чиләбе өлкәсенә эш сәфәре Иске Татар зиратында урнашкан Зәйнулла ишан Расулевның каберен карау белән тәмамланды. Доганы Данис хәзрәт Әхмәтшин укыды.
- Танылган дин эшлеклесе, мәгърифәтче, педагог Зәйнулла Хәбибулла улы Рәсулев 1833 елның мартында Оренбург губерниясе Троицк өязенең Шәрип авылында дөньяга килә. 1851 елда Троицк шәһәренә китә һәм 2нче Җәмигъ мәчете каршындагы мәдрәсәгә укырга керә. 1858 елда Зәйнулла Рәсүлев Югары Урал өязенең Юлдаш авылында мәдрәсәне җитәкли.
Бүгенге көнгә кадәр милләттәшләребез дин эшлеклесе каберенә килә һәм аның өчен дога укый.
