Халыкара “Татар кызы” бәйгесе – гүзәллек, сәләтлелек һәм милли традицияләр бәйрәме. Татар кызларының күркәм сыйфатларын, халкыбызның гореф-гадәтләрен, телен, мәдәниятен саклау һәм үстерү, сәләтен күрсәтү — бәйгенең төп максаты булып тора.
2020нче елның 11нче декабрендә мәркәзебезнең «Сәйдәш» мәдәният үзәгендә Республикакүләм “Татар кызы — 2020” бәйгесенең Казан шәһәре буенча сайлап алу этабы узды. Биредә “Минзәлә гүзәле-2020” бәйгесе гран-при лауреаты Гиниятова Рәмилә катнашты. Тупач кызы Минзәлә районы данын яклап ярымфиналга үтте.
19 декабрь көнне 22 туташ көч сынашачак.
