Нефтеюганск шәһәре милли мәдәният үзәгендә татар – башкорт шигъриятенә багышланган әдәби кичә булып узды.
Чараны оештыручылар, «Юрүзән» татар – башкор иҗтимагый оешмасы рәисе Муратшина Зөлфия ханым белдерүенчә, бу чараны алар ел саен бер вакытта үткәрүне планга куйганнар.
Чараның төп шарты буенча яраткан шагыйреңнең шигырен туган телдә укырга, җыр җырларга һәм шулай ук биергә була. Әдәби кичә катнашучыларны бүләкләү һәм тәмле чәй өстәле артында үтте. Мондый әдәби кичәләр ике тугандаш, татар – башкорт халкының дус – тату яшәвенә этәргеч булып тора да инде.
