Оренбург өлкәсе Богырыслан шәһәрендә Клара Шәкүрованың “Мирас” исемле китабын тәкъдим итү кичәсе узды. Аны оештыруда шәһәрнең Г. Тукай исемендәге мәдәният йорты һәм 6нчы санлы китапханә хезмәткәрләре башлап йөри.
Кичәгә җыелган тамашачыга язучының шигырьләрен укыдылар. Шулай ук “Яшен” һәм “Сандугач” ансамбльләре үз репертуарларындагы җырларны башкардылар. Очрашу ахырында Клара Шәкүрова үз автографын куеп, китапларын бүләк итте, дип хәбәр итә Өренбург өлкәсендә яшәүче милләттәшләребез.
