Оренбурның Мирхәйдәр Фәйзи театры  тамашачылар соравы буенча Жан-Батистның “Плутни Скапена”, ягъни “Хәйләкәр уеннары” комедиясен кабат сәхнәгә кайтарды. Татар драма театрында дөнья әдәбияты классикасы беренче тапкыр  2011 елда күрсәтелгән иде. Премьера ул чагында популярлык казана. Һәм менә артистлар тамашачы теләген исәпкә алып, “Плутни Скапена”, ягъни “Хәйләкәр уеннары” комедиясен яңадан куйды.

Франция һавасы астында туган пьеса тамашачыларны Италиянең көньяк районына – Неапольга күчерә, анда темпераментлы геройлар, биюләр… Уйнаучыларның 80% – яңа артистлар.

– Репетицияләр вакытында, тирләп-пешеп дигәндәй, мин 3 кг югалттым,- дип көлеп сөйләде “Хәйләкәр уеннары”нда төп рольне башкаручы артист Марсель Рәхмәтуллин. Сәхнәдә ул – тере көмешне хәтерләтә.

Артистларның мавыктыргыч уйнавы нәтиҗәсендә “Хәйләкәр уеннары” спектакле бер сулышта карала. Театр коллективы XVII гасыр классик комедиясен тамашачы бу юлы да җылы  кабул итәр дигән өметләнә.

 Ф. Әбсәламова

Оренбург