Бүген, 4 апрель көнне, Пермьнең Татар-башкорт башлангыч мәктәбе булачак бинасында Ифтар мәҗлесе узды. Биредә татар эшмәкәрләре, татар оешмалары җитәкчеләре, Край Закон чыгару җыены, Шәһәр Думасы депутатлары, дин әһелләре җыелды.

Ифтарда шулай ук Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев, Бөтендөнья татар конгрессы Башкарма комитеты җитәкчесенең беренче урынбасары – Россия Федерациясе төбәкләрендәге татар иҗтимагый оешмалары белән эшләү комитеты җитәкчесе Марс Тукаев, Татарстан Республикасының Свердловск өлкәсендәге Даими вәкиле Хәйдәр Гыйлфанов, Пермь краеның Барда муниципаль округы башлыгы Хәлил Алапанов һәм Пермь крае татарлары милли-мәдәни автономиясе рәисе Хәлил Фәрвәзетдинов,«Чулпан» балалар бакчасы җитәкчесе Фәүзия Пак катнашты.