Питрәч районы Шәле авылында район мәдәният бүлеге, “Ак калфак” оешмасы белән берлектә, “Авыл туризм”ын үстерү максатыннан, “Татар базары” дигән чара үтте. Чарада кул эшләренннән күргәзмә оештырылды, учакта коймак пешерелде, каз өмәсеннән бер күренеш күрсәтелде, татар халкының бию үрнәкләре һәм татар халкының милли ризыгы – өчпочмак ясау буенча мастер-класслар үткәрелде.