8 октябрьдә Мәскәүнең Татар мәдәни үзәгендә полковник Әнвәр Хәйдәр улы Чанышевны искә алу кичәсе оештырыла. Чара искә алу очрашуы форматында әзерләнә.
Кичәне Мәскәү татарларының милли-мәдәни автономиясе һәм Татар мәдәни үзәге оештыра. Әнвәр ага быел 27 апрельдә вафат булды. 2 октябрьдә аңа 93 яшь тулган булыр иде.
Әнвәр Чанышев – Бөек Ватан сугышы ветераны, полковник, озак еллар армиянең спорт структураларында эшләгән кеше. Төрле елларда Халыкара Олимпия комитеты әгъзасы итеп сайлана. Күп еллар ул Мәскәү татарларының милли-мәдәни автономиясе Советына сайланып килә.
