“Риваять” төркеме үзенең кызыклы программасын 24 нче март көнне Казан шәһәрендәге “Әкият” балалар үзәгендә тәкъдим итә. Адресы, Петербург урамы, 57 нче йорт. Тамаша 19.00 сәгатьтә башлана.

“Риваять” этно-төркеме – халкыбызның онытылып барган моңнарын, уен коралларын халкыбызга кире кайтаручы, профессиональ музыкантлар һәм җырчыларны туплаган төркем.

“Нәүрүз” дип аталучы концерт программасында артистлар тамашачыны борынгы көйләребез, йолаларыбыз белән таныштырыр. Ата-бабаларыбыз яратып уздырган “Нәүрүз” бәйрәме уеннарында катнашып күңел ачу мөмкинлеге тудырыр. Тамашага рәхим итегез. Билетларны “Кассир.ру”, “Билетон” сайтларында алырга була.