11 ноябрь көнне 14.00 сәгатьтә Мәскәүнең Татар мәдәни үзәгендә Роберт Миңнуллинның тууына 75 ел тулу уңаеннан «Яшәргә икән, яшәргә» дип аталган җырлы-шигъри кичә узачак. Бу хакта Мәскәү шәһәре Татар милли-мәдәни автономиясе төбәк иҗтимагый оешмасының матбугат хезмәте хәбәр итә.

Концерт программасында Татар мәдәни үзәге артистлары башкаруында «Әнкәмнең догалары», «Соңдыр шул, соңдыр», «Ак каеннар арасында», «Кайтабыз да китәбез шул» һәм башка җырлар яңгыраячак. Чараның координаторы — Россиянең атказанган артисты Илдар Шиһапов, диелгән хәбәрдә.

Кичә Мәскәүнең Татар мәдәни үзәге, Кече Татар тыкрыгы, 8 нче йорт, 102 бүлмә адресында оештырыла.

Чыганак: tatar-inform