1 август көнне Роберт Миңнуллин исемендәге Республика балалар китапханәсендә шагыйрь, журналист, җәмәгать һәм дәүләт эшлеклесе, Татарстан Республикасының атказанган сәнгать эшлеклесе, Татарстан Республикасының халык шагыйре Миңнуллин Роберт Мөгаллим улының 75 еллыгына багышланган истәлекле иҗади очрашу узды.
Очрашу җәмәгатьчелек вәкилләре, мәдәният һәм әдәбият эшлеклеләре, шагыйрьнең туганнары, дуслары һәм хезмәттәшләре катнашында узды.
Чара кысаларында кунаклар Роберт Миңнуллин турында истәлекләре белән уртаклаштылар, аның иҗаты, казанышлары һәм киләчәккә планнары турында сөйләделәр. Балалар шагыйрьнең татар һәм рус телләрендәге искиткеч шигырьләрен сөйләделәр.
2022 елдан безнең китапханә күренекле язучы исемен горурлык белән йөртә. Алда татар балалар әдәбиятын алга сөрү өчен яңа проектлар күп.
Чыганак: mincult.tatarstan.ru
