Татарстан Президенты Рөстәм Миңнеханов журналистлар белән Яңа ел алды очрашуында татар халкының үсеш стратегиясе кайчан әзер булачагын әйтте.
«Чынлыкта ул әзер, әмма аңа өстәмәләр кертеп, эшләп бетерергә кирәк. Без моның өчен экспертиза, белгечләр җәлеп итәбез. Тәкъдимнәр бик күп һәм алар төрле-төрле. Әлбәттә, ул бар кешене дә канәгатьләндермәячәк. Ул документ барлык авырткан, без хәл итәргә тиешле бурычларны колачларга тиеш. Бераз гына эшләп бетерәсе калды», – диде Рөстәм Миңнеханов.
