“Ышанучылар аз иде, ләкин мин моны булдырдым!” – дип сөенече белән уртаклашты танылган блогер, ике аяксыз калган Рөстәм Нәбиев.
“2021 елның 2 октябрьдә иртәнге 10:00дә мин Манаслу тавы түбәсендә идем. Альпинизм тарихында, дөньяда беренче булып сигез мең метр биеклеккә куллар ярдәмендә генә күтәрелгән кеше буларак, яңа сәхифә ачтым”, – дип язды ул Инстаграм сәхифәсендә.
Шулай ук Рөстәм тауларга бәйле истәлекләре кергән китап язуын, аны “Ген риска” дип атарга теләвен дә белдерде.
