2023 елның 13 октябрендә Ростов-на-Дону шәһәренең “Россия – минем тарихым” (“Россия – моя история”) тарихи паркы үзенең беренче 5 еллык юбилеен билгеләп үтте! Ростов өлкәсенең “Якташлар” татар-башкорт иҗтимагый оешмасы музей хезмәткәрләрен юбилей белән котлады һәм тантаналы чараларда катнашты.

Шулай ук бәйрәм чаралары барышында Ростов өлкәсенең “Ак Калфак” кызлары татар мәдәнияте күргәзмәсен тәкъдим иттеләр, барлык кунакларны милли ризыклар белән сыйладылар. Әлеге күргәзмә беркемне дә битараф калдырмады!