4 мартта Самара шәһәрендә Самара өлкәсе буенча узучы Халыкара “Татар кызы-2020” бәйгесенең төбәк этабын уздыруга багышланган оештыру комитеты утырышы узды.

Түгәрәк өстәл янында Бөтендөнья татар конгрессы Башкарма комитеты җитәкчесенең беренче урынбасары, Халыкара “Татар кызы” бәйгесен уздыру дирекциясенең башкарма директоры Данис Шакиров, дирекциянең башкарма комитеты җитәкчесе Гүзәлия Гыйниятуллина, Г.Камал исемендәге Татар дәүләт академия театры артисты, педагог-режиссёр, Татарстан Республикасының халык артисты Илдар Хәйруллин бәйгенең төп юнәлешләре турында фикер алыштылар.

Искәртеп үтик, Самарада бәйгенең төп оештыручысы – Самара өлкәсенең “Дуслык” төбәк иҗтимагый оешмасы (җитәкчесе – Ф.Б. Канюкаев).