Бөтендөнья татар конгрессы Башкарма комитеты җитәкчесе Данис Шакиров Саратов шәһәренә эш сәфәре кысаларында “Мәгариф киләчәге” дигән темага түгәрәк өстәл эшендә катнашты. Фәнни җыелыш ислам комплексы бинасында узды.
Мәгарифнең заманча тенденцияләре турында докладлар белән Саратов шәһәре экспертлары, психологлары, мәгариф комитеты вәкиле һ.б. чыгыш ясады. Алар арасында Пензадан Хәбибҗамал Тенишева исемендәге мәдәни-агарту үзәге директоры Рәшит Куряев та бар иде.
