Ульяновск шәһәренең 17нче милли китапханәсендә «Татары Симбирского-Ульяновского края» энциклопедиясенең икенче чыгарылышын укучыларга тәкъдим​ итү кичәсе узды. Өлкә татар милли-мәдәни автономиясе, «Өмет» газетасы редакциясе, татар​ краеведлары оешмасы, тарихчылар,​ укытучылар тырышлыгы белән әзерләнгән энциклопедия​ Татарстан хөкүмәте грантына​ нәшер ителде.​ ​Өлкә типографиясендә ул 1200 данә тираж белән басылды, дип яза “Өмет” газетасы.

Кыска гына вакыт​ эчендә​ милләттәшләребез​ ​энциклопедия аркылы​ төбәкнең татар тормышында актив катнашучы,​ чит төбәкләрдә югары​ дәрәҗәләр яулаган, дәүләт бүләкләренә​ ия булган якташлары белән таныштылар.​

Чарада өлкә татар милли мәдәни автономиясе рәисе урынбасары Рифгать Ахмедулов, “Өмет° газетасының җаваплы сәркатибе Рузия Хәлимова, Сембер шәһәре татарларын тарихын өйрәнүче краевед Римма Вильданова, °Чардаклы татарлары° китабы авторы Җәмил Хәкимов, Татарстан Язучылар берлеге әгъзасы Шәфикъ Иматдинов катнаштылар һәм китапка югары бәя бирделәр.