«Созвездие-Йолдызлык» арт-резиденциясе труппасы «Сүнмәс йолдызлык» театральләштерелгән тамаша премьерасын әзерли. Музыкаль-шигъри кичә арт-резиденциянең әдәби чараларының дәвамы булачак. Бу юлы резиденция сәхнәсендә XIX гасыр ахыры – XX гасыр уртасына караган татар мәдәнияты эшлеклеләренең шигырьләре, җырлары һәм романслары яңгыраячак.
«Җиде мәктәп укучысы татар шигърияте тематикасына караган рәсемнәр белән бизәлгән Казан метросының әдәби поездына утырачак. Вагоннан вагонга кергәндә алар Закир Рәмиев, Хәсән Туфан, Һади Такташ, Муса Җәлил һәм башка шагыйрьләр иҗаты белән танышачак. Шигъри поезд машинисты Габдулла Тукай үзе булачак», – дип сөйли режиссер.
Премьера 2 декабрьдә сәгать 17.00дә булачак. «Сүнмәс йолдызлык» музыкаль-шигъри кичәсенә билетларны «Пушкин картасы» буенча да алып була.
