Һәр атнаның якшәмбе көнендә Ташкент шәһәренең Татар мәдәни-агарту үзәгендә кул эшләре дәресләре үтә.
«Түгәрәкне үзәк әгъзаларының өлкән буын вәкилләре уздыра. Бу дәресләрнең максаты – курчакларда татар халык костюмнарын, хәситә, изү, аяк киемнәрен тегәргә өйрәнү. Татар киемнәре мисалында халкыбызның тарихын, гореф-гадәтләрен, мәдәниятен һәм йоласын өйрәнәбез», – дип хәбәр итә Ташкент шәһәренең Татар мәдәни-агарту үзәгенең матбугат хезмәте.
