1 октябрьдән 3 октябрьгә кадәр Анапада «Смена» Бөтенроссия балалар үзәге территориясендә Студентлар педагогика отрядларының IX Бөтенроссия форумы узды.
Педагогика отрядлары вәкилләре өч көн дәвамында спикерлар белән эшләгән, файдалы лекцияләргә йөргән, үзләренең һөнәри осталыкларын үстергән. Форумның ябылу тантанасында «PROфинансируй себя» Бөтенроссия әйдаманнар практикасы конкурсына йомгак ясалды.
Җиңүчеләр арасына Казан федераль университеты студенты, мәктәп яшендәге балаларда финанс белемен үстерүгә юнәлтелгән “Кем эшмәкәр булырга тели?” уенының авторы Эмилия Гыйләҗева кергән.
