Балаларны милли-мәдәни рухта тәрбияләгәндә татар халкының электән килгән гореф-гадәтләре, мәдәнияте белән кызыксынучы югары әхлаклы, һәрьяклап үсеш алган, иҗади шәхес тәрбияләү максатыннан чыгып, Теләче районы Алан мәдәният йорты хезмәткәрләре укучылар белән “Халкым йолалары” дип исемләнгән әңгәмә үткәрде.
Буыннан буынга күчә торган рухи тәҗрибә һәм йолалар вакыт узу белән һич әһәмиятен югалтмый, киресенчә, аларның кыйммәте арта гына. Бүгенге көндә милли бәйрәмнәр, йола, гореф-гадәтләр яңадан , яңартылып, заман төсмерләре биреп үткәрелә башлады.
