Бүген, 19 июнь көнне, Баш мөфти, шәйхелислам Тәлгать хәзрәт Таҗетдиннең Русия мөселманнары Үзәк Диния нәзарәте рәисе булып хезмәт итүенә 40 ел тулды.
Шул уңайдан Бөтендөнья татар конгрессының Башкортстан Республикасындагы вәкиле Алфред Әмир улы Дәүләтшин Баш мөфтиебезгә бүләкләр тапшырды һәм Татарстан Республикасының премьер-министры урынбасары, Бөтендөнья татар конгрессының Милли шура рәисе Васил Габтелгаяз улы Шәйхразыевның ихлас котлау сүзләрен җиткерде.
⠀
Тәлгать хәзрәт Таҗетдинга саулык, сәләмәтлек һәм Русия мөселманнары өммәтенә озак еллар хезмәт итәргә Аллаһы Тәгалә насыйп итүен телибез.

Гөлшат Сафина, Башкортстан