Татарстанның Тәтеш районы Кече Әтрәч авылында яшәп иҗат итүче шагыйрә, байтак китаплар авторы Роза Фәйзуллинаның иҗат кичәсе узды. Анда күрше районнардан һәм төбәкләрдән килгән дистәләгән хөрмәтле кунаклар катнашты.

Кичәдә Роза ханымны котлап, Г. Камал исемедәге Татар Дәүләт академия театры артистлары Илдус Габдрахманов (Роза апаның туганы), Фоат ага Әбүбәкеров (әтисе шушы авылдан) кайткан иде.

Алар Роза Фәйзуллинаны котлап, матур теләкләрен җиткерделәр, иҗат уңышлары һәм яңа китаплар чыгуын теләделәр. Роза апа соңлап кына яза башлаган язучы. Ул беренче китабын 2011 нче елда гына чыгарды. Сигез ел эчендэ аның биш китабы дөнья күрергә өлгерде.

Рамис Сафин

Ульяновск