“ТНВ-Планета” телеканалының иҗат төркеме шушы көннәрдә Канадага атналык сәфәргә чыгып китә. Исәпләре – бу илдәге татарлар тормышы турында тапшыру төшерү.
Канадада яшәүче татар җәмгыяте активисты Мирсылу Арсланова хәбәр иткәнчә, җирле татарлар тележурналистлар белән 17 ноябрьдә Nile Academy бинасында очрашачаклар.
Билгеле булганча, “ТНВ-Планета” каналы ерак чит илләрдә яшәүче татарлар турында сюжетлар әзерләү өчен зур тырышлык күрсәтә. Иҗат төркеме Алмания, Австралия, АКШ, Бөекбританияләрне урап кайттылар.
