26нчы ноябрь көнне Ульяновск татарлары Дөньякүләм белем тикшерү акциясе “Татарча диктантта” катнашты. Аларның күпчелеге “ЯшьTeam” Татар яшьләре оешмасы вәкилләре иде. Текстны Ульяновск өлкәсенең мәгариф үсеше институтының баш белгече, Татарстан Республикасының атказанган укытучысы Әлфия Абутдинова укыды. Катнашучылар үз белемнәрен тикшерделәр, татар телен белү дәрәҗәсе турында нәтиҗә ясадылар, киләчәккә аны үстерү буенча максатлар куйдылар.