Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев әлеге тәкъдимне Милли Шура Бюросының беренче утырышы вакытында әйтте.
-Безнең бүген эшләгән эшләребезнең барысы да киләчәктә яшьләргә калачак. Шул сәбәпле, Бюро нигезендә 8нче комитетны төзеп, аны яшьләр эшче төркеме итәргә тәкъдим итәм, – диеп белдерде ул.
Икенче утырыш вакытында яшьләр комитетын оештыру буенча Милли Шура Бюросы әгъзаларыннан тәкъдимнәр кабул ителергә тиеш чыгарылачак.
Бүгенге утырышта һәр комитет җитәкчесе үзләренең эш башлангычы һәм планнары белән таныштырды.
