Бүген, 12 октябрьдә, Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Екатеринбургка сәфәр кыла. Биредә ТР Вице-премьеры бөек татар шагыйре, Советлар Союзы Герое Муса Җәлилгә һәйкәл ачу тантанасында катнашачак. Шул ук көнне Екатеринбургта «Ураллыларның 1941-1945 еллардагы Бөек Ватан сугышында Җиңүгә керткән өлеше» дигән темага төбәкара түгәрәк өстәл ачылачак.