Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Башкортстан Республикасында. Биредә ул Югары Тәтешле авылында Әнгам Атнабаев һәйкәленә чәчәкләр салды. Чәчәк салуда шагыйрьнең энесе Мәгъдән Атнабаев та катнашты.

Башкортстан Республикасы Югары Тәтешле авылында Әнгам Атнабаевка һәйкәл 2024 елның 1 мартында ачылды. Һәйкәл Ленин урамында үзәк китапханә каршына куелган. Шагыйрь анда кулына китап тотып эскәмиядә утырган килеш сынландырылган. Аның авторы – сынчы Халит Галиуллин.