Казанга VIII съезд делегатлары килү дәвам итә. Бүген Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Казахстаннан килгән милләттәшебез,  Казахстан халыклары Ассамблеясы рәисе урынбасары Тәүфыйк Кәримов белән очрашты.

Васил Шәйхразыев һәм Тәүфыйк Кәримов Казахстанда гомер итүче татарлар тормышы һәм 30 июльдән-2 нче августка кадәр узачак VIII съезд чаралары хакында фикер алышты.