Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев бүген Казан дәүләт мәдәният институтында булды. Уку йортының ректоры Роза Әхмәдиева Вице-премьерны биредәге эшчәнлек белән таныштырды.

Васил Шәйхразыев Казан дәүләт мәдәният институты мөгаллимнәре катнашында узган утырышта катнашты. Биредә сүз милли бәйрәмебез Сабан туен оештыру буенча юл картасы проекты хакында барды.