Бүген Омск өлкәсенә эш сәфәре кысаларында Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Омск өлкәсенең «Старина Сибирская» дәүләт тарихи-мәдәни музей-тыюлыгында булды.

Әлеге музей Омск шәһәреннән 200 км ераклыктагы Большеречье бистәсендә урнашкан. Ачык һавадагы музей бирегә килүчеләрне Омск җиренең тарихы һәм мәдәнияте, архитектурасы, археологиясе һәм табигате белән таныша алу мөмкинлеге белән җәлеп итә. Музей 2014 елда оештырылган.