“Изге Болгар җыены”ның тантаналы ачылышы тәмамланганнан соң, мәртәбәле кунаклар фикер алышуларны чатырда дәвам итте.

Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Россия мөселманнары Диния нәзарәте рәисе, мөфти Равил Гайнетдин исеменнән оештырылган чатырда булды. Биредә бу көннәрдә Казанда узган чаралар хакында фикер алыштылар.