Татар журналистлары белән очрашуда Татарстан Премьер-министры урынбасары, Милли Шура рәисе Васил Шәйхразыев Стратегиянең ничек итеп халык тәкъдим-фикерләре ярдәмендә барлыкка килүе хакында сөйләде.
“Без барлык Татарстан районнарында, Россия төбәкләрендә булдык. Тәкъдимнәр тупланды. Документны тормышка ашыруда күп чаралар уздырырга кирәк, бу финанслар таләп ителә. Шуңа күрә без аны ике өлешкә бүлдек. Хәзер “2020-2023 нче елларга татар халкының милли үзенчәлеген саклау буенча” дәүләт программасы барлыкка килде. Аның нигезендә финанслар бүленә. “Татарлар: Гамәл Стратегиясе”н идеологик яктан ясадык. Анда бар сорауларга да җавап бар,;- дип белдерде Милли Шура рәисе.
