Бүген, 26нчы май көнне,  Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Болгар шәһәренә килде.

Биредә, Милли Шура рәисе катнашында, Идел Болгарстанының Ислам динен рәсми кабул итү көненә багышланган “Милли тормыш һәм дин” Изге Болгар җыенын оештыру  комитетының күчмә утырышы үткәрелде.

3-5 июнь көннәрендә Казанда узачак  XI Бөтенроссия татар дин әһелләре форумы делегатлары шулай ук Изге Болгар җыенында катнашачак.