Казахстанның Астана шәһәрендә “Ак калфак” оешмасы ярдәме белән “Әбиләр, алга!” дигән бәйге уздырганнар. Кул эшләре, татар халык ашлары, токмач кисү буенча ярышканнар. Бәйгедә Казахстанның 3 шәһәреннән килгән командалар катнашкан.
Экибастуз, Кокшотау һәм Астана шәһәренең Ак калфаклы ханымнары тырышлыгы белән бик күңелле, матур чара узды, дип хәбәр итә оешма әгъзасы Гөлнәзирә ханым.