Казанның Яңа татар бистәсе зиратында татар халкының бөек шәхесләрен искә алдылар. 16нчы гыйнвар танылган җырчы Илһам Шакировның үлгән көне. Аның арабыздан киткәненә 4 ел. 15нче гыйнварда моңлы сандугач Әлфия Авзалованың туган көне иде. Исән булса аңа 90 яшь тулган булыр иде. Кичә хезмәттәшләре һәм тугъры тамашачылары татар халкының легендар шәхесләре каберләренә чәчәк китерде, хатирәләрен яңартты.