11 октябрьдә «Башкортстан» дәүләт концертлар залында Республика көненә багышланган тантаналы җыелыш булды.
Чарада Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев катнашты. Үз чыгышында ул Башкортстан Республикасы халкын әлеге истәлекле бәйрәм белән котлады һәм Татарстан Президенты Рөстәм Миңнехановның сәламләү хатын укып, Башкортстан башлыгы Радий Хәбировка тапшырды.