Туган телебезне саклау бүген hәммәбез алдында торган иң зур бурычларның берсе. Халкыбызның гореф-гадәтләрен, тарихын, мәдәниятен мең еллар буенча саклап килүче байлык ул-тел. Яшь буын үз туган телләренең җәүhәр мирасы булган мәкальләрне, әкиятләрне беләләр икән, димәк, әле безнең киләчәгебез өметле, туган телебез яшәячәк дигән сүз.

БР “Ак калфак” татар хатын-кызлары иҗтимагый оешмасы hәм мәктәп балалары белән берлектә туган телне саклап калырга, югалтмаска дигән максат белән төшерелгән видео язманы сезгә тәкьдим итәбез!